السلام عليكم ورحمة الله وبركاته
كيفكم
وكيف الشوب وكأس العالم معكم
المهم
طبعا احنا في المونديال و في شوية اخبار عن انتقال لاعبين متل توريه
وروبينيو وماركيز ودي ماريا اللي صار رسميا بالريال و مين كمان؟؟؟
وجيراد ومايكون و اخيرا زلاتان
طبعا اغلب اخبار الانتقال كانت مصدرها الجرايد والمجلات
الي فشلت ببيع اكبر عدد من اصداراتها
المهم
طلعت كتير اشاعات بتلف وبتدور حول زلاتان(صرلي زمان مش منزلة موضوع)
انو بدو يروح للميلان او المان سيتي و بيئولو تشلسي و اليوفي و كبشة نوادي تانية
ما علينا
طبعا يمكن الكل سمع انو ادارة الميلان باعت كم لاعب مشان تجيب ابرا
ولكن هيهات هيهات
اليوم وكيل زلاتان عمو(رايولا) انو زلاتان مش رح يروح للميلان
وكمان مستحيل بالفترة الحاليه يترك البارسا
وكامن كلام لابورتا بيدل ع هيك
بس الخوف من روسيل
مع اني هالبني ادم بكرهو وبتمنى زلاتان يطردو
المهم
هاد الخبر<<بعد طول برم
اقتباس:
أفاد "مينو رايولا" وكيل أعمال مهاجم البارسا "إبرا" أن السويدي من الصعب جداً تواجده في الدوري الإيطالي مجدداً ، وبالتحديد يصعب رؤيته في فريق "ميلان" الإيطالي الذي أبدى اهتماماً كبيراً به مؤخراً .
يُذكر أنه وبعد التعاقد مع "ديفيد فيا" فالفريق يبحث عن طريق يتخلص به من "إبراهيموفيتش" .. بعض الصحف الإيطالية افترضت أن "ميلان" سيستعير "إبرا" من البارسا ، ولكن على ما يبدو فإن البارسا سيلعب مع كلا "ديفيد فيا" و "إبراهيموفيتش" معاً .
قال "رايولا" مؤكداً لـ ( راديو راديو TV ): "لا ، ( إبرا ) لن ينتقل من البارسا ، ولا أرى أي سبباً يجعله يغادر الكامب نو ، هو لا يريد ذلك ، والفريق ما زال يريد الإستفادة من خدماته" .
طيب طيب
عارفة انو مش وئتو نحكي عن زلاتان و وين بدو يلعب
والسؤال يطرح نفسو<<<<فصحى مع عامية الله يعين
انت كمشجع برشلوني و كمتابع للدروي الاسباني:---
هل تعتقد ان زلاتان سيكمل الموسم القادم على الاقل او سيكمل عقدة مع البارسا؟؟؟
هل تعتقد ان زلاتان سينسجم بشكل جيد بوجود ديفيد فيا؟
اين هو المكان الانسب برأيك لوضع زلاتان فيه بالتشكيلة الاساسية(يعني راس حربة ولا جناح ايسر)؟؟؟
هل تعتقد ان البارسا بحاجة الى تعزيز خط الهجوم بلاعب جديد؟
ما هي افضل الصفقات التي يحتاجها الفريق بالوقت الحالي؟
رح يكون مثلت الرعب؟؟؟؟؟
اطلقو العنان لكيبورداتكم
وناقشو
دمتم سالمين